ShareShare
Close

Type C

Type C
Main hoon, Type C.
Shreevar Chhotaria Symbiosis Centre for Media and Communication Published on 22 Mar, 2017

Ye world hai na world. Issme teen tarhaan ke students hote hai. Ek, woh ameer zyaade waale, The lightning cables. Doosre, sabke favourite, the micro USB’s. Aur ek hum, communications waale, the Type C.

Mummy Papa ko kabhi type C se problem nahi thi.
Haan, papa ne khoobh sapne dekhe, bete ko Lightning cable banainge. Woh
bhi un Red party waale cups mein mahengi waali beer peeyega. Woh bhi apne
doosre rang ke doston ke sang kachi rang waali holi khelega. Woh bhi ‘global
exposure’ ke naam par meri kamai ke Cuban cigar phooke ga.

Lekin unki kamai ki baat nahi thi, mujhe ye lightning cable waalo se zyaada lagav kabhi tha hi nahi. Teen chaar layer kapde pehente zaroor the, par bc warm nahi lage kabhi. Frat parties mein jagerbomb zaroor pe lete honge, par desi tharre ki
overhyped nashe ka unhe kya andazaa ?

Ab aate hai in micro USB waalo ke pass. Acha saaf saaf kehta hoon, tumlogo ke bina hamara desh adhura hai. Tum hamare education mein itne important ho jitna woh Bharwi Aunty ke video mein woh background waala bacha. Duniye toh stereotype karke rakhi hai yaar, ki hum sabh tumhare jaise banna chahte hai. Moti moti kitaabe,CS (Counter Strike) mein diploma, aur havas ke devoted pujari, desh tumhe in nazron se dekhta hai. Desh tumhari leta hai, par samman bhi utni hi karta karta hai. Kitne saare ho tum yaar. Lekin aaj bhi,aaj bhi, tumhe andar ghusane se pehle doh baar sochna padta hai.

Aur hum,
Type C. Hum toh naye naye aaye hai. Bhai humare course mein toh filme dikhate
hai. Aur uski attendance bhi milti hai! Benegal aur Hitchcock humare universal
dadaji se lagne lage hai. Sainath aur Ravish humare andar ke vyakta ko jagate
hai. Pandey aur Padamsee ke dil aur dimag mein entry chahiye hame. ‘Badi badi
baatein’ karna toh humara ek module bhi hai. Aur kuch nahi toh khule dimaag se sochne ka zariya zaroor milta hai.

Sab kehte hai ki Type C ki zyaada demand hi nahi hai. Sahi kehte hai. Micro USB waalon ki tarah hamari reliability toh nahi . Lightning Cable waalon ki tarah humari chahat toh nahi. Par zara gaur se dekho, toh baazi aur phone, dono badal rahe hai. Suna hai ye iPhone waale bhi ...

Shayad main woh Type A waala ban sakta tha,world tour toh weekend trip sa lagta. Shayad Type B wala ban sakta tha, mehnat, lagan aur gaanje ke sang, samaaj ki seediyon ko shaan se chadta.

Lekin yahi dil lagta hai. Yahi khush hoon main.

Main hoon,
Type C.

Close